Скідванне неачышчаных сцёкавых вод у раку адбылося з ачышчальных збудаванняў камунальнай сістэмы горада Ашмяны.

Пра гэта «Інтэрфаксу» паведаміў інспектар Смаргоньскай міжраённай інспекцыі аховы жывёльнага і расліннага свету Сяргей Хацяновіч.

«Выяўлена, што прычынай масавай гібелі рыбы ў рацэ Ашмянка на ўчастку працягласцю каля 20 км стала скідванне неачышчаных сцёкавых вод з ачышчальных збудаванняў камунальнай сістэмы горада Ашмяны, якое адбылося з 22 на 23 траўня», распавёў суразмоўца партала.

Паводле яго словаў, разам з плоткай, акунём і краснапёркай загінулі і занесеныя ў Чырвоную кнігу Беларусі рыбы: фарэль і харыюс. Як адзначыў С.Хацяновіч, паводле папярэдніх падлікаў нанесеная шкода склала больш за Br300 млн.

«Вінаваты павінен будзе кампенсаваць шкоду, акрамя таго пры велічыні шкоды звыш за 40 базавых велічыняў узбуджаецца крымінальная справа, мы будзем накіроўваць матэрыялы ў пракуратуру для прававой ацэнкі», – заявіў С.Хацяновіч.

// Интерфакс