Першыя крокі: чыноунікі Мінкультуры пачалі дамаўляцца з архітэктарамі і гісторыкамі

Автор: happynewbbln2rn
Рубрики: новости, история, Гродно, РАТУЙМА ГРОДНА!

Днямі прадстаўнікі Міністэрства культуры і Беларускага добраахвотнага таварыства аховы помнікаў гісторыі і культуры (БДТАПГК) на сустрэчы ў Мінску дамовіліся аб супрацоўніцтве ў пытаннях аховы гісторыка-культурнай спадчыны.

У сустрэчы ўдзельнічалі старшыня таварыства Антон Астаповіч і актывісты БДТАПГК — старшыня Беларускай акадэміі архітэктуры заслужаны архітэктар Беларусі Вальмен Аладаў, гісторык архітэктуры Ўладзімір Дзянісаў і архітэктар-рэстаўратар Уладзімір Папруга; намеснік міністра культуры Ўладзімір Грыдзюшка, начальнік кіравання па ахове гісторыка-культурнай спадчыны і рэстаўрацыі Мінкульта Васіль Абламскі, а таксама яго намеснік Ігар Чарняўскі.

Удзельнікі сустрэчы дамовіліся аб правядзенні сістэматычных сустрэч для абмеркавання пытанняў, датычных праекту Палажэння аб грамадскім кантролі за выкананнем заканадаўства аб ахове гісторыка-культурнай спадчыны, паскарэнні працэсу распрацоўкі і сцвярджэнні праектаў зон аховы нерухомых гісторыка-культурных каштоўнасцяў, а таксама праблем уліку, захаванні, кансервацыі і рэстаўрацыі помнікаў архітэктуры.

Па словах У.Папруга, за апошнія 15 гадоў гэта першая сустрэча прадстаўнікоў Міністэрства культуры з кіраўніцтвам БДТАПГК, якое аб’ядноўвае больш трох тысяч чалавек і на працягу ўсёй сваёй гісторыі займаецца пытаннямі зберажэння гісторыка-культурнай спадчыны.

На думку архітэктара-рэстаўратара У.Папруга, калі таварыства сумесна з службоўцамі здолее вярнуць сітуацыю вакол помнікаў архітэктуры ў прававое поле ў Мінску, то гэтая праблема аўтаматычна будзе вырашаная па ўсёй краіне.

// БелаПАН, Еўрапейскае радые для Беларусі