Адзначылі Дзень Волі

Автор: symon
Рубрики: новости, политика, история, Гродно, регионы

Гарадзенскія маладафронтаўцы, якія ня здолелі паехаць на акцыю прысьвечаную 90-й гадавіне абвяшчэньня незалежнасьці Беларускай Народнай Рэспублікі ў Менск, адзначылі Дзень Волі ў Горадні, перадае belradio.fm.

Першапачаткова было заплянавана ўскласьці кветкі і павязаць бел-чырвона-белыя стужкі ля будынку, у якім у 1919 годзе разьмяшчаўся вайсковы штаб БНР (вул. Горкага, 2). Але там маладзёнаў ужо чакалі супрацоўнікі АМОНу, якія не дазвалялі нават знаходзіцца побач з будынкам.

Маладафронтаўцы вырашылі ушанаваць памяць герояў – заснавальнікаў БНР, усклаўшы кветкі да помніку “Пагоня на Грунвальд”, пішуць на dzida.org.

Дарэчы, ў Воранава, передае Радые Свабода, таксама ўшанавалі памяць міністра ўнутраных спраў БНР генерала Кіпрыяна Кандратовіча. Ён нарадзіўся ў Лідскім раёне, блізу Ваверкі. Ягоныя парэшткі ў сярэдзіне 90-х гадоў былі перанесеныя ў Воранава, дзе зараз ёсць помнік побач з праваслаўнай царквой.

А некалькі дэмакратычных актывістаў са Слоніма планавалі патрапіць у Мінск на Дзень Волі, аднак іхняя машына была спынена мясцовымі даішнікамі, пасля чаго на тры гадзіны затрымалі кіроўцу. “Аперацыя” адбывалася пад наглядам супрацоўнікаў КДБ, якія знаходзіліся паблізу з месцам затрымання машыны і пазней на двух машынах сачылі за грамадскімі актывістамі.