“Газета Слонімская” атрымае прэмію Цайта

Автор: happynewbbln2rn
Рубрики: новости, регионы

Два недзяржаўныя беларускія выданні — рэгіянальная штотыднёвая “Газета Слонімская” (gs.by) і электронная газета “Ежедневник” (ej.by) — атрымаюць сёлета ўзнагароду “Свабодная прэса Усходняй Еўропы”, вядомую таксама як “прэмія Цайта”, паведамля БАЖ.

Штогод яе ўручаюць прадстаўнікам незалежнай прэсы фонд Эбелін і Герда Буцэрыюса (фонд Zeit) і фонд “Свабоднае слова”. Пра гэта паведамляецца ў лісце на імя старшыні “Беларускай асацыяцыі журналістаў” Жанны Літвіной ад кіраўніка праграмы фонду Zeit Фрауке Хаман. Цырымонія ўручэння ўзнагарод адбудзецца сёлета 19 траўня.