На Віцебшчыне прайшла хваля пакаранняў мясцовых чыноўнікаў за розныя злоўжыванні. Трое старшыняў райвыканкамаў за знойдзеныя парушэнні па зямельных пытаннях атрымалі вымовы. Яшчэ восем кіраўнкоў райвыканкамаў прыцягнутыя да дысцыплінарнай адказнасці. Такое ж спагнанне атрымаў і намеснік старшыні Віцебскага аблвыканкаму.

Найбольш не пашанцавала намесніку старшыні Браслаўскага райвыканкаму, бо супраць яго распачатая крымінальная справа.

// Звязда

Яшчэ па тэме:
+ З пачатку года ў Баранавічах ужо распачатыя 19 крымінальных справаў, фігурантамі ў якіх пераважна выступаюць службовыя асобы

P.S. Навошта тут гэтая навіна? Каб вы адчулі, што недатыкальных няма. Тое, што зараз у гарадзенскім аблвыканкаме, пракуратуры і шмат якіх установах “кругавая парука”, нічога не значыць – прыйдуць іншыя правяраючыя, дастануць кампрамат з архіваў, і большая частка гэтых “мясцовых бонзаў” будуць там.

Тым больш, што зараз сапраўды можна чакаць узмацненне спробаў прыхватызацыі ўсяго, што дрэнна ляжыць, і некаторыя свядомыя службоўцы і правяраючыя-кантралюючыя (а такія сапраўды ёсць – напрыклад, аператыўныя працаўнікі вельмі часта маюць гіпертрафаванае паняцце аб справядлівасці, насамрэч “хварэюць” сваёй працай) гэта таксама разумеюць і будуць “капаць” у гэтым накірунку.

У гэтым сэнсе задача грамадскасці вельмі простая – дапамгчы ім з фактамі, як і ў выпадку з гаражным кааператывам на Фолюшы, не адыходзіць і настойліва дамагацца свайго…