УВАГА! Пачаліся прэвентыўныя затрыманні
Автор: danik
Рубрики:
новости, политика, регионы
Іван Роман, актывіст незалежных прафсаюзаў, увечары вяртаўся дахаты. Яго затрымалі ў раёне вуліцы Горкага, завезьлі ў Ленінскі РАУС. Дзяжурны міліцыянт паведаміў, што Іван Роман затрыманы за нецэнзурную лаянку й заўтра яго даставяць у суд.
Вадзім Саранчукоў, кіраўнік гарадзкой арганізацыі Партыі БНФ, заўважыў каля пад’езда міліцэйскую машыну. Зь яго словаў, міліцыянты за ім ўбеглі нават у кватэру, але жонка дапамагла яму адбіцца , і зараз ён на свабодзе.
Позна ўвечары 9 кастрычніка ў Горадні быў затрыманы Віктар Сазонаў — кіраўнік абласной арганізацыі БСДГ Ст.Шушкевіча. Гэта адбылося на чыгуначным вакзале.
Віктар здолеў паведаміць свайму аднапартыйцу Уладзіміру Хільмановічу, што яго спачатку даставілі ў абласны наркалягічны дыспансэр на вул.Шчорса, каб спраўдзіць на наяўнасьць алькаголю. Пасьля гэтага яго адвезьлі ў Ленінскі РАУС.
Спадар Сазонаў таксама паведаміў, што ў дыспансэры ён бачыў кіраўніка абласной арганізацыі АГП Юрыя Істоміна і ягонага аднапартыйца Дзьмітрыя Слуцкага.
ДА ЎСІХ ГРАМАДСКІХ АКТЫВІСТАЎ: пачаліся прэвентыўныя затрыманні перад Еўрапейскім маршам. Сытуацыя вымагае ад усіх максімум асцярожнасці і цвёрдасці. Галоўнае - не падаць духам і не баяцца! Жыве Беларусь!
divadub:
11:49, 10.10.2007
Усiх не схопяць!!!
УСЕ на МАРШ!!!
Garadzensky:
15:06, 10.10.2007
http://www.bielarus.net/archives/2007/10/07/1303
siamion:
16:09, 10.10.2007
2 Garadzensky
Калі шаноўны Зянон Станіслававіч вернецца ў Беларусь і зладзіць нешта прынцыпова іншае і лепшае, то варта будзе схіліць перад ім галаву. А пакуль што ягоны гнеў варты жалю.
hppnbbln2rn:
19:23, 10.10.2007
Юрий Истомин и Дмитрий Слуцкий объявили голодовку протеста. 10 октября Юрий Истомин осужден на 7 суток, а Дмитрий Слуцкий — на 5 суток ареста по статье 17.1 Административного кодекса («мелкое хулиганство»). По свидетельству милиционеров, оппозиционные активисты «ругались матом» и «махали руками».
hppnbbln2rn:
19:27, 10.10.2007
СМАРГОНЬ: дом актывіста ў ачапленні
Перад дзвярыма праваабаронцы, прыхільніка Руху “За Свабоду” Алеся Дзергачова са Смаргоні дзяжураць супрацоўнікі міліцыі. Участковы паведаміў Дзергачову, што яму трэба з’явіцца ў Смаргонскі райаддзел міліцыі.
Па словах Дзергачова, яго проста хочуць ізаляваць перад “Еўрапейкім маршам”.
Зараз ў Смаргонскім райаддзеле знаходзіцца Зміцер Бяляеў. Яго ўчора папярэджвалі ў міліцыі, што ён будзе адказваць, калі ў нядзелю далучыцца да акцыі ў Мінску. // milinkevich.org
SAnt:
21:54, 10.10.2007
Калі 21 гадзіны ў Горадні затрымалі Міколу Лемяноўскага — удзельніка Рады гарадзкой арганізацыі партыі БНФ. Яго даставілі ў Ленінскі РАУС.
Мікола Лемяноўскі паведаміў нашаму Радыё, што на чыгуначным вакзале да ягонай машыны падыйшлі два міліцыянты: прапаршчык Самонічаў і старшына Навіцкі, яны сказалі, што на яго паступіла скарга. Разам зь міліцыянтамі ён мусіў ехаць у пастарунак сваёй машынай, там на яго пачалі складаць пратакол з фармулёўкай “за нецэнзурную лаянку”.
***
Увечары ў Горадні была затрыманая Анжаліка Борыс — старшыня не прызнаванага ўладамі Саюзу палякаў.
Яна паведаміла нашаму Радыё, што прыйшла каля 21 гадзіны ў Ленінскі РАУС, каб бараніць Ігара Банцара —галоўнага рэдактара часопісу “Magazyn Polski na uchodzstwie”, якога затрымалі раней. Калі яна знаходзілася ў дзяжурным пакоі, на яе таксама сталі пратакол, – сказала Анжаліка Борыс.
svaboda.org
hppnbbln2rn:
23:12, 10.10.2007
Чатыры арыштаваныя актывісты ў Горадні абвяшчаюць галадоўку
http://www.svaboda.org/articlesfeatures/politics/2007/10/6d7ce0f7-12a8-4ca0-88cb-7e3d5911cd51.html
hppnbbln2rn:
16:32, 11.10.2007
Міколу Лемяноўскага арыштавалі на 5 сутак
http://www.svaboda.org/articlesfeatures/man/2007/10/c5dc8c26-28cf-4ada-b4c2-b98fc1faa8cb.html
hppnbbln2rn:
21:41, 11.10.2007
Віцебскі апазіцыянер заклеіў рот скотчам, каб яго не абвінавацілі ў лаянцы
http://belradio.fm/by/262/news/9319/
hppnbbln2rn:
1:31, 13.10.2007
Масты: міліцыянты шукаюць двух актывістаў
http://svaboda.org/articlesfeatures/society/2007/10/8CFEB18F-D3C6-422A-A566-2A61B778B118.html
Горадня: студэнтаў-каліноўцаў паўтары гадзіны трымалі на чыгуначным вакзале
http://svaboda.org/articlesfeatures/society/2007/10/8DC093CB-6893-445F-AA98-AAE8E615C5DC.html