Заапарк праверылі - рэканструкцыя працягваецца

Автор: happynewbbln2rn
Рубрики: новости, Гродно

Факты заяўленыя ў скарзе на Гродзенскі заапарк, пададзенай адной з мінскіх арганізацый аховы правоў жывёл, пасля праверкі Гарветстанцыі не падтвердзіліся - паведаміла дырэктарка заапарку Цэліна Пагерыла.

“Падставай для скаргі сталі асабістыя негатыўныя ўражанні адной з сябровак мінскай арганізацыі аховы правоў жывёл пасля наведвання ёю нашага заапарку, - лічыць Цэліна Пагерыла, - скарга не мела сур’ёзных падстаў і падрыхтавана людзьмі зусім не кампетэнтнымі ў справах і праблемах заапарку”.

Нагадаем, што зараз у заапарку вядзецца рэканструкцыя, яе завяршэнне ў чарговы раз пераносіцца, менавіта гэта чыніць асноўныя нязручнасці і абмяжоўвае прастору для жывёл. Магчыма гэта ж стане і прычынай адмены святкавання 85-і годдзя старэйшага і буйнейшага заапарка Беларусі.

// Віталь Вановіч, Твой стыль