Адбудзецца сход ініцыятыўнай групы для правядзення мясцовага рэферэндума па праблемах рэканструкцыі

Автор: Fanclaus
Рубрики: анонсы, новости, РАТУЙМА ГРОДНА!

26 ліпеня ў Гродне адбудзецца агульны сход ініцыятыўнай групы для правядзення мясцовага рэферэндума па праблемах горадабудаўніцтва і аховы гістарычнага цэнтра горада.

Сход мае зацвердзіць пытанні, якія грамадскасць гораду вынясе на публічнае абмеркаванне, а таксама правесці ўсе неабходныя паводле заканадаўства працэдуры.

Ініцыятары мясцовага рэферэндума ў бліжэйшыя дня перададуць у гарадскі выканаўчы камітэт спісы ініцыятыўнай групы па правядзенні рэферэндума. У выпадку, калі гарадскія ўлады зацвердзяць ініцыятыўную групу, для правядзення рэферэндума неабходна будзе сабраць подпісы 10% выбаршчыкаў Гродна (каля 20 тысяч чалавек).

Аб ініцыятыве правядзення мясцовага рэферэндума па праблеме захавання гісторыка-культурнага ансамбля цэнтральнай часткі горада Гродна, а таксама развіцця гарадской транспартнай сістэмы прадастаўнікі інтэлігенцыі Гродна абвесцілі на пачатку мая бягучага году. Ініцыятарамі рэферэндума выступілі дактары гістарычных навук Алесь Смалянчук і Аляксандр Краўцэвіч, мастакі Алесь Сураў і Уладзімір Кіслы, гісторыкі Сяргей Салей і Андрэй Вашкевіч, каваль-рэстаўратар Юрась Мацко, заснавальнік і ганаровы старшыня ГА “Саюз палякаў у Беларусі” Тадэвуш Гавін, старшыня Гродзенскага ГА “Цівіне” Альгіс Дзіргінчус, дэпутат Гродзенскага гарадскога савета дэпутатаў 2003-2007 гг. Сяргей Кузьмянок, журналісты Наталля Макушына, Алесь Залеўскі і Павал Мажэйка.

На сённяшні дзень у склад ініцыятыўнай групы ўвайшлі больш за 120 гарадзенцаў. Каардынатар мясцовага рэферэндума - Вадзім Саранчукоў, старшыня гарадской арганізацыі Партыі БНФ.

Агульны сход ініцыятыўнай групы адбудзецца 26 ліпеня а 19.00 па адрасе: Гродна, вул. Будзёнага 48а, зала ва ўнутраным дворыку.

// milinkevich.org