Першая акцыя ўдзельнікаў “Гарадзенскай фартэцы”

Автор: Svindzer
Рубрики: новости, РАТУЙМА ГРОДНА!

Сёньня, 1 ліпеня, ўдзельнікі моладзевай кампаніі па абароне помнікаў архітэктуры Гародні “Гарадзенская фартэца” правялі акцыю, накіраваную на інфармаваньне гараджан аб злачынствах, якія зьдзяйсьняюць і зьдзейсьнілі гарадзенскія ўлады.

Падчас акцыі некалькі дзесяткаў маладзёнаў прайшлі па цэнтральных вуліцах Гародні і раздалі некалькі соцень улётак і налепак, прысвечаных праблеме “бульдозернай рэканструцыі” гістарычнага цэнтру Гародні. Шмат удзельнікаў акцыі былі апрануты ў кашулі з надпісам “Спыніць зьнішчэньне Гародні”. Падчас імправізаванага шэсьця пан Ськіргайла граў на дудзе паганскія аўтэнтычныя мэлёдыі.

Міліцыя назірала за акцыяй, але ніхто затрыманы ня быў. Таксама сёньня працягнулася налепачная кампанія ў абарону Гародні. Напрацягу дня было разлеплена ня меньш за тысячу налепак.

Далучыцца да кампаніі па выратаваньню помнікаў архітэктуры Гародні, можна праз тэлефоны:

(029)6685821 - Франак

(029)5868441 - Кацярына

(029)7844022 - Макс

(029)2020188 - Яраслаў

(029)6607299 - Павал

(029)5661842 - Алесь

(029)7883163 - Андрусь

// za-svabodu.org