Галакост ў Горадні

Автор: svb
Рубрики: ссылки, политика, история

Цікавая гісторыя з выпуску навінаў “Нямецкай хвалі”:

Рыгор Хосiд – адзiн з дзьвюх соцень гарадзенскiх габрэяў, што перажылi Халакост. Ён адзiны з усiх засталых у жывых вязняў гарадзенскага гета, хто можа распавесцi пра тое, як гэта было.

У Гароднi з лiстапада 1941 да сакавiка 1943 iснавалi два гета. «Вязнi другога адразу падпадалi пад знiшчэнне, - распавядае Рыгор Хосiд, - туды зганялi старых i дзяцей». 15-гадовы Рыгор разам з бацькамi трапiў у гета № 1, якое лiчылася працоўным. Там у маленьким квартале ў цэнтры гораду цяснiлiся 17 тысяч чалавек.

Хосiд узгадвае, як у снежнi 1942 юдэнрату – габрэйскай радзе – загадалi з`явiцца з гарбатными лыжкамi на плошчу каля сiнагогi. Людзей прымусiлi стаць на каленi i лыжкамi ачысцiць плошчу ад снегу ды iльду. Як сведчыць Рыгор Хосiд, каты цешылiся тым, што прымушалi габрэйских жанчынау набiраць у бюстгальтары зямлю i пераносiць яе з месца на месца. Сам Рыгор стаўся вазьнiцай – вазiў на вазку ўсё, што загадаюць. Аднойчы за прапажу груза два камэнданты падвесiлi яго на крук, дзе вешаюць тушы.

Разам з iншымi гарадзенскiмi габрэямi Хосiду давялося перавозiць целы чырвонаармейцаў, памерлых ад голаду ў лагеры ваеннапалонных у Гароднi. [Поўны тэкст на Deutsche Welle]

А яшчэ зьвярніце ўвагу на “геаграфічны фільтар” Свабоды. Можна глядзець навіны толькі з Горадні:
• Апошнія навіны з Горадні